معسل السلوم الراعي الرسمي لرجولة البنات

استعرض الموضوع السابق استعرض الموضوع التالي اذهب الى الأسفل

معسل السلوم الراعي الرسمي لرجولة البنات

مُساهمة من طرف ابو فيصل في الأحد 14 فبراير - 4:59

Razz



صباح جميل .... يلا يانفسي ياحببتي هنفطر برة في اي كافيه....
بسم الله وقع اختياري على كافيه في التحرير ....
دخلت ...اخترت ركنا وسطيا...."في الوسط يعني"
بدأت شوية شوية الناس تهل ....

الجرسون بيكلم اللي ورايا .....بيقلها دلوقتي ياانسة
قلتله لالا لما صاحبي يجي .....
انا في سري :"الله يحرق ابليسك طيب اتجملي قدام الراجل الغريب وقلي مستنية زميلي ..ااو حتى قولي مستنية حد لو مش عاوزة تكذبي يعني ...بس ماعلينـــا"

انشغلت شوية ....
وفجأة برفع رأسي .... لقيت كأن المكان اتهد فوق دماغنا من كثر السحابة البيضاء اللي فوق دماغي ..عنيا بتدمع ..ياحرام ده انا بكح كمان...

دارت عينيا في المكان .....

ادعوكم للدوران معايا.....

ركن رقم واحد ....الأنسة اياها والمدعوصاحبها .....وكل منهما يمسك بخرطوم طويل ..
لاادري اين ينتهي ...او ادري ..ولكن لااريد ان اصدق ....
ترى ماحقيقة الحوار الدائر ....كلهما تدور اعينهم في المحاجر ....وفي عالم بعيد عن الأخر
ترى ماالذي يجمع بينهما ...هل هو هذا الخرطوم الطويل ......ام الضياع المتمثل في الصورة المتجمدة امامي ...ام انه الإستضلال تحت السحابة البيضاء ظاهريا ....الداكنة داخليا...

ركن رقم اثنين ...الجرسون :طلباتك ياباشا ؟؟
الباشا:جبلي واحدة عادي ..وجيب لمراتي تفاح على ماتيجي

ركن ثلاثة ......بنوتة 1: ماما ده خفيف قوووي اديني نفس من عندك.
بنوتة 2 :خدي بتاعي انا هطلب بالخوخ.
الأم:"في عالم ثالث"
الثلاثة قدامهم نفس الخراطيم .

نكتفي بالأركان الثلاثة ....

ونرجع لذات نفسي وحوارها مع ذات عقلي...

بدون تفكير طويل .....كلهم بيشيشوا ....يمكن عـــــــــ ــــادي
جايز طبيعـــــ ـــــــي ...احتمال تطــــــ ـــــــور .....

لكن
انا مش هتكلم من ناحية الصح والغلط ...ولا من ناحية الحلال والحرام......

هتكلم اولا من ناحية :"الأنوثة ترجع للوراء ....ترجع ايه ..؟!!
المفروض الخبر يكون
الأنوثة تجر اخر اذيالها من بنات 2007.......تجر ايه !!!
المفروض الخبريكون
الأنوثة تنتحر على اعتاب معسل السلوم وبرعاية زغلول وقص وغيرهم من شركات المعسل ....

ياجماعة والله المنظر مؤلم ..مؤلم ..مؤلم
الكافيه كان مليان ناس ...بدون حلفان كل البنوتات اللي في الكافيه كانوا بيشدوا نفس ...انفاس ااقصد.....او بالأصح بيشدوا ارواحهم ....
....

الناحية الأخرى ....
ليه بقى المنظر عادي

ليه الولد اللي قاعد مع المدعوة صاحبته معتبر الأمر عادي ....وراضي على نفسه يعقد مع بنوتة بتضيع انوثتها مع كل نفس يدخل ويخرج؟؟؟؟
يمكن بيطبع شكلها بشكله ؟؟؟
يمكن شاف ان الأنوثة ضايعة في حجات كثير ...سواء لبس ..سواء حياء ..سواء طريقة كلام ..فقال بالمرة اهي تكون صاحبي وخلاث ..ويبقى اسمي مصاحب ولد حلو؟؟
يمكن
ويمكن هما الإثنين محتاجين اللي يحتويهم ويحتضنهم ...ويقول على فين ياشباب ؟؟؟
وعشان ايه ..ولخاطر مين ..تولعوا في نفسكم ؟؟؟؟

نيجي لعمو اللي قاعد مع مراته .....
طبعا اولا اسمحولي ااقول كلمة في الموقف ده "يادي المصيبة على الرجولة اللي بقت من الأساطير ....."
في راجل في الدنيا يطلب شيشة لواحدة ست ...وكمان مراته ام عياله ......
مش هعلق كثير في الموقف ده ....جايز عاوزها تمووووووووووت ويرتاح منها ....

عشان كده لاتعــــلــــيق
نيجي بقى للطامة الكبرى ...اللي خلتني اكتب الموضوع ده .....

ماما وبنتين زي القمر . ...."كلهم محجبين حجاب زي الفل فعلا والله قمة في الإحترام ..وده اللي زعلني عليهم اكثر"

يعني لما كنت بشوف حد بيشيش ولا بيشرب سجاير ااقول مفيش ام واب يحتوى الشباب دول ؟؟
مفيش صدر حنين ...وكلمة رادعة ..ورقابة واعية ..عشان حالة الضياع دي ؟؟؟؟
لكن لما ماما نفسها تولع في فلذات اكبادها قدامها ..وتتفرج عليهم وهما بيتحرقوا ...
تبقى ايه ؟؟
تبقى مين؟؟؟
تبقى ليه ؟؟؟؟

يبقى شعار المرحلة الجاية ...باي ياانوثة برعاية معسل السلوم وزغلول وقص ..وبطعم الخوخ والتفاح ..وبريحة الياسمين واللافندر ....
واتحرقي ياانوثة بفحم اسوان .....
avatar
ابو فيصل
مـصـمـم المـرجوانا

ذكر
السمك الماعز
الـمـشاركات : 31
تاريخ الميلاد : 07/03/1979
تاريخ التسجيل : 11/02/2010
العمر : 38
الموقع : http://marijuana.yoo7.com
المزاج دايـخ

معاينة صفحة البيانات الشخصي للعضو http://marijuana.yoo7.com

الرجوع الى أعلى الصفحة اذهب الى الأسفل

رد: معسل السلوم الراعي الرسمي لرجولة البنات

مُساهمة من طرف DvD450 في الإثنين 31 أكتوبر - 7:20

متزعلش نفسك كده فى مثل بيقول لازم توصل للحضيض عشان تطلع للنجوم

DvD450
مشرفه

الـمـشاركات : 6
تاريخ التسجيل : 07/10/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى